قبري وسط احضانكـ ..

ابرحـل و اتـرك العالـم و اودع كــل خـلانـي
ولكن رحلتـي هـذي لجـل قربـك ومـن شانـك

ابترك كـل مـن حولـي واجيـك بكـل وجدانـي
وابيك تروف في قلبـي و تظلـه تحـت أغصانـك

وإذا أحـدٍ سـأل عنـي بيعـرف ويـن عنوانـي
أبي يقولوا لهم ماتت !! وقبـري وسـط أحضانـك

مهو بيـدي تـرى حبـك مـا غيـر الله أبلانـي
ولوحـة صـرت أنـا بيديـك تلونهـا بألـوانـك

أنا فينـي حـزن كايـد ودمعـي جـرّح أوجانـي
لك الله كيف تقـوى تـروح وتقفـل كـل بيبانـك

تعذّب قلبي فـي بعـدك وحالـي شـان مـا زانـي
وأنا اللي كان في ظني بصير أقـرب مـن أخوانـك

تعب قلبي .. ومل صبري .. وكثر شوقي لك أعماني
وتدري زين أنا ما أقوى علـى بعـدك و هجرانـك

بعدت وقلت لي روحي !! ولا تعوديـن لـي ثانـي
لك الله إحترت وقلت شلون قدر ينطق بها لسانـك ؟

عجز حتى الكلام يظهـر وضاقـت فينـي أوطانـي
وتمكن حزني من قلبي .. تعـال وشوفـه بأعيانـك

وخـذ هـذا وعـد منـي اليـن أدفـن بأكفـانـي
بعيـش طـول عمـري لـك ولا أفكـر بنسيانـك

صح لسانك

يامبدعه

وتقبلي مروري

اقتباس :: وأنا اللي كان في ظني بصير أقـرب مـن أخوانـك

روعه

مشكوووووووووووووووووووووووووووووور

مشكورين عالمرور

العفوووووووو