أنا ا أعيش الحب .. أعيش الحب كله فيك

أنا و إن كنت عنك بعيد لكن معك وأحيا بك

تعيش بكل أحاسيسي و تفكيري و أعيش أغليك

تحسد الحب لو تسمع حديث الروح بـ غيابك

تزاحم فــ الخفوق قلوب يسري نبضها بـ يديك

أنا كيف أختصر فيك الشعور بــ حضرة أحبابك

سكنت أرض الغياب و كل سيره لــ الوفا ترويك

عيونك موطن و غربه .. عيونك موطن أغرابك

أحبك لو تسافر بي على درب التعب و أمشيك

حبيبي في زمان البعد قلبي أصدق أصحابك

أحبك جرح ما يبرى عسى بعض الألم يرضيك

و لون بــ الرضى عيني و أسيل دمعة عتابك

حبيبي في ظلام الشوق كل النور ما يضويك

أنا صفحاتك البيضا و أنا أصدق حرف بــ كتابك

فرشت العمر لــ أيامك أسابق ليلتي و أجيك

و عرفت إن الغلا خطوه و أنا واقف على بابك

جفون الغيم لو تمطر دريت إن الثرى ضاميك

و دريت إني بــ لا موعد زرعت الحلم بــ أهدابك

أهديها لكل شخص يعزني ويغليني
اتمنى تعجبكم

مشكورة يااختي .. وماقصرتي

ذووق واقوول ذووق

مشكووووور عالمرووور الحلو