ودي أضم جدار بيتهـ وأنا أبيكهـ..!!

الغالي اللي كـل ماجيـت بيتـه
*****أتخيله من قبل يرحـل ويخليـه

أجيه وأدري لو أجـي مالقيتـه
****** لكن كذا أرتاح لاجيـت ماضيـه

والله لا اموت وغايتي مانسيتـه
******حتى بصلاتي اطلـب الله يهنيـه

الحاره اللى تفتخـر فـي مبيتـه
*******نامت كما طفلٍ فقد حضن اهاليـه

حتى في غيابـه للشـوارع شكيتـه
********قالت تصدق عاد مثلك انا اغليـه

يشهد جداره من حنينـي بكيتـه
********ودي أضم جدار بيته وأنا ابكيـه

ياما بصدق أحساس قلبي عطيته
*******وياما خذاني من التعب بين اياديه

أذكر في ذاك اليوم مـره لقيتـه
*******يبكي وضايق ياصاحبي مـن لياليـه

جيته بدون شعور لهفـه خذيتـه
********وساعه أنا وياه جالس اواسيـه

وشرد خيالي من دموعه نسيتـه
********جالس أفكر في دموعه وناسيـه

أثـره يناظـر دمعتـي مارأيتـه
********قام وسألني ليش تبكي وأنا فيـه

مسح دموعي ياصاحبي واحتويتـه
*******مثل الغريب اللى تضمه غواليـه

واليوم انا والدمع وجـدار بيتـه
********نسترجع الذكرى قبـل لا يخليـه

وييييييييييييييين الردود الحلوه؟؟؟؟؟؟؟

يعطيك العافيه على القصيده الحلوه

والله لا يحرمنا منك ...ومن مواضيعك الحلوه

تقبلي مروري...

مشكوره عالمرور الحلو