حكاية شاعر

موضوع: حكاية شاعر الأحد نوفمبر 18, 2007 11:15 pm

للشــــاعر حمـــــوود عيـــــــد

انـا لـى قـصـةٍ قـصـه ولا ظـنـى تـجـى فالـبـال
ابكتبهـا وانـا ادرى ان الدمـوع تـهـل مــن عيـنـى

حكايـة شاعـرٍ يكتـب مـن طـروق القصـيـد جــزال
وعـاف البـيـت. والمعـنـى. وطـرقـه. والدواويـنـى

كثيـر النـاس مـن حـولـى تنشـدّنـى وش؟الاحــوال
علامـك ليـه مـا تكـتـب وانــا شـعـرى معنيـنـى

اشيـل همـوم فـى صـدرى وانـا همـى يهـد جـبـال
تثاقـلـت الـكــلام ولا لـقـيـت الـلــى يقـديـنـى

انـا عـارف تـرى الشـكـوى لغـيـر الله عـلـيّ إذلال
وانـا عــارف قــدر نفـسـي واقــول الله مغنيـنـى

وعـى قلبـي وابـوي يقولهـا مــا يشـكـى الـرجـال
يـاربـي طــول بعـمـره عـلـى الـعـزه موصيـنـى

موصينـى علـى شيـل المصايـب لـو تجيـنـى أثـقـال
ولـو ضاقـت بـى الدنيـا ولــو دارت بــى سنيـنـى

تـرى صبـرٍ جميـل يعوضـك يــوم الليـالـى طــوال
مـدام الصـبـر مفـتـاح الـفـرج والـنـاس داريـنـى

يقـول لسانـك حصـانـك واذا صنـتـه مــع الجـهـال
تبـى تـرقـا المعـالـى والنصيـحـه بيـنـك وبيـنـى

صغيـر الـسـن حزتـهـا معلمـنـى عـلـوم رجــال
طبايـع "بــدو" محـلاهـا عـلـى الفـطـره مربيـنـى

كبـرت وشفـت انـا الدنيـا بعيـنـى وكـثـرت الآمــال
صحيـح اضحـك مـع العالـم وربــي عـالـمٍ فيـنـى

اقـول انــى مقـزرهـا وانــا جـرحـى هـنـا لازال
مــدام ان الهـمـوم الـلـى تصبـحـنـى تمسـيـنـى

ابى قلـبٍ عـرف ينسـا . وابـى عمـرٍ قصـر لـو طـال
وابــى هـمـى يفارقـنـى . وابــى حــبٍ يكفيـنـى

وابـى قلـبٍ علـى قلبـي صـدوق ولا يجـيـه اجــدال
ابــى لاضـاقـت الدنـيـا بعيـنـى مـــا يخلـيـنـى

وابـى قلـبٍ ملابـه مـن حنـان الكـون كـل اشـكـال
حـنـان "الام" يــا زيـنـه ابــى مثـلـه يدفـيـنـى

قسـم لكتـب لـه ابـيـاتٍ تـجـى للعاشقـيـن امـثـال
وجـيـب مــن القصـيـد الـلـى يسلـيـه ويسليـنـى

وعـوض كـل مـا فـات الخفـوق اقــوال وإلا أفـعـال
"حبيبى"يابـعـد عمرى"حيـاتـى"يـا نـظــر عـيـنـى

أبـى لـى قلـب ينبضهـا بـصـدق ولا يـجـى محـتـال
ولـكـن لـلأسـف حـظـى وقــف عـيـا يراعيـنـى

صدمـت بواقعـى.! وادرى علومـى مـا تـسـر الـبـال
آلا يالـلـى تنشـدّنـى تـــرى هـمــى مطـوّيـنـى

هـذاك الـيـوم تسألـنـى وحـالـى بالقصـايـد حــال
انـا لاجيـت ابكتبـهـا يـهـل الـدمـع مــن عيـنـى

تـبـى أكـثـر اوضحـهـا انــا جـرحـى هـنـا لازال
أبــى تـرجـع بدايتـهـا "وركــز فــى عناويـنـى"

حكايـة شاعـرٍ يكتـب مـن طـروق القصـيـد جــزال
وعـاف "البـيـت" والمعـنـى" وطـرقـه" والدواويـنـى

وييييييين الردود الحلوه؟؟؟؟؟

» *&*شاعر حضر زواج حبيبته وجاب العيد *$*
» مقتطفات من حياة شاعر الحب والوفا نمر بن عدوان