&... ياللي تحسبين الهوى صك تمليـك ...&

إن كان دستي بالقدم قلب مغليـك
ودستي على قلبك عشان الكرامـهـ

أنا بعد عفتك وابتـرك مماشيـك
اللـي تودينـي دروب النـدامـهـ

لا رحم ابو جدك ولا عـز واليـك
من قبل اعرفك ماعرفت الملامـهـ

واليوم ياخذني على الشوق طاريك
والقلـب ضيـع بالمحبـه مقامـهـ

مرات انا اصفي لك ومرات اعاديك
ومرات قلبي ضايعن مـن هيامـهـ

ومرات اصد ولا تذكـرت اناديـك
ومرات انا ازعل والهجوس بغرامهـ

ومرات ياضاقت حياتي بي ارجيك
ما كن حبـك ذل قلبـي وضامـهـ

ياضايعه مابيـن بايـع وشاريـك
السوق به خامه وللنـاس خامـهـ

يامترفه غنجك يبيـن بخطاويـك
مافيه داعـي للحيـا واحتشامـهـ

أنتي تحسبيني بطيـح لمواطيـك
تبطين دام العـز عنـدي وسامـهـ

روحي عسى من غيٌرك مايقديـك
في نظرته في وقفتـه واهتمامـهـ

وانا عزمت اني بسافـر واخليـك
واترك لك اطلالن غدت بالغمامـهـ

ياللي تحسبين الهوى صك تمليـك
يفنى الرصيد ولا تضيع الكرامـهـ

وسلامتكم

تحياتي..

مشكوره تحياتي وصحي لسانك

العفو ويسلمو عالمرور الفارس

يسلموو على القصيده الروعه

وربي يعطيك العافيه

تقبلي مروري...

يسلمو عالمرور الاحلى وينك